Lan honetan Portugaleko anfibioen kontserbazioaren inguruan jotzen ditugun hainbat datu aipagarri aurkezten ditugu. Naturaren kontserbazioaren testuinguruan, Portugalek, industrializazioan bizi duen atzerapen erlatiboa eta oraindik leku askotan mantentzen duen usadiozko nekazaritza direla eta, ez du egoera hain degradaturik erakusten. Anfibioen dibertsitatea zabala da eta, orohar, bere biziraupenak ez du ematen mehatxurik dagoenik, epe ertainera behintzat. Arestian esandakoa kontuan harturik, oraindik anfibioen kontserbaziorako mehatxu nagusiak orokorrean dira Europako beste herrialdeetan dauden modukoak: Habitataren eraldaketa eta suntsipena, jatorri eta mota ezberdinetako kutsadura, errepideetako zapalketak, espezie aloktonoen sartzapenak, helburu anitzeko harrapaketa eta bilketa... Portugalen ez da daturik jaso, ezta ikerketa zehatzik egin patogenoek eragindako gaixotasunei buruz, edo erradiazio ultramorearen esposizioaren emendioari buruz, edota mundu mailako aldaketak, klima kasu, eragiten ari diren ondorioen inguruan. Beraz, anfibioen populazioetan, izan dezakeen impaktua ez da ezagutzen. Badira hainbat lan herpetofaunaren zerrendatze eta karakerizazioaren inguruan eta komunitate, espezie edota populazio jakinei buruzko ikerketa biologiko batzuk egin dira edo martxan daude. Baina ez dago orohar, populazioen banaketa, egoera eta ugaritasunari buruzko informazio sistematizaturik. Hemen, anfibio portugaldarren banaketa-mapak eta haien populazioei buruz dugun informazioa, azken urteotan kontserbazio ikuspegitik lorturiko emaitzarik garrantzitsuenetarikoak barne, aurkezten dira.