Lhonek Urdaibaiko paisaia du aztergai, bizirik dagoen kultur ondare bezala ulertuta. Euskal Herriko Unibertsitateak eta Aranzadi Zientzia Elkarteak 2019. urteaz geroztik egindako lanak jasotzen dira bertan, Eusko Jaurlaritzaren Kultur Ondarearen Zentroak lagunduta. Lan horien emaitzak ezagutzera ematea ez ezik, gizartean paisaiaren zaintzari buruzko hausnarketa zabaltzea ere izan da liburuaren helburua; kultur ondarea, azken buruan, gizartearen eta ingurumenaren arteko harreman historikoak ulertzen eta geroa pentsatzen laguntzeko gaitasuna duen tresna delakoan. Ikerketa Urdaibaiko itsasadarraren ikuspegi zabal batean oinarritu da, paisaiaren bilakaera historikoa aztertzeko. Testuinguru horren baitan, itzak izeneko paisaia-unitate bereizgarria hartu da aztergai, bi arrazoirengatik. Alde batetik, orain arte oso gutxi ikertu delako paisaia-mota hori, lurralde mailan eragin handia izan duen arren. Beste aldetik, egun itza gehienak desagertuta edo desagertze-prozesuan daudelako, padura-ekosistemen leheneratze planifikatuaren ondorioz. Hala, analisia itsasadarraren erdigunea osatzen duten bost udalerrietan fokatu da batik bat: Busturia, Murueta, Forua, Kortezubi eta Gautegiz Arteaga, hurrenez hurren. Urdaibaiko itsasadarraren ikuspegi orokorra.